孤兒仔蒸肉餅

昨天買了成包免治黑豚豬肉，「豬肉蒸水蛋」只用了少少，留下咁多(圖)，點算好??

打開冰箱，找到鹹蛋和魷魚乾。
鹹蛋較易弄，決定煮「鹹蛋蒸豬肉」。
蒸肉餅其實很多秘訣。因很容易蒸得太實和硬。
正常蒸肉餅應用半肥瘦梅頭，仲要唔可以用機絞碎。

但係...「孤兒仔煮飯，懶得就懶。」™

睇啲免治黑豚豬肉都幾夠肥，蒸豬肉應不會太硬。

言歸正傳，材料需要:

肥瘦豬肉

鹹蛋 (圖）

薑絲

油

蔥粒

醃料:

醬油 1茶匙

幼鹽 適量

糖 適量,1-2茶匙

生粉 1茶匙

麻油 適量

其他醃料(非必要):

胡椒粉 適量

酒 1茶匙

魚露 2-4茶匙

做法 (* = 筆者唔記得落):

肥瘦豬肉 + 鹹蛋 + 醬油 + 幼鹽* + 糖 + 生粉 + 麻油 + 胡椒粉 + 酒 + 魚露* 撈埋一齊。注意要同一方向攪。直至舊肉起膠唔散:

肉餅入碟，放上薑絲*:

猛火隔水蒸8分鐘,將近熟時加入蔥粒，再蒸2分鐘即成。(筆者蒸了7分鐘，無落蔥。)

完成圖:

我的晚餐 (有菜! 其實昨晚也有，相影得唔好)：

後記：

賣相OK，但唔記得落鹽，唔怪得咁甜!

孤兒仔食譜

小玲子遠行，上星期食完預備好的糧草。點算好??

今天挑戰難度，嘗試一道難弄得好的「豬肉蒸水蛋」。

材料: 日本免治黑豚豬肉 (圖)，有機雞蛋 2 隻。
調味: 醬油, 魚露, 澱粉, 酒, 麻油。

步驟:
黑豚豬肉 + 魚露 + 澱粉:

把 2 隻蛋完全打勻。然後加入(蛋　volume x 1.5)分量的水，和少許魚露，攪勻:

找一個玻璃蓋鍋子和陶磁碟子 (鐵碟不是太好)。
鍋子加水，放入蒸架和空碟子。把水煮滾，而碟子也會變熱:

水滾時，加入豬肉，鋪平碟上:

加蛋, 收細火 (不可大火, 因蛋會老):

溫火煮至蛋熟 (因此要用玻璃蓋)。時間大約 4-6 分鐘，時間因火大小而異，用眼決定。

完成後加醬油和麻油:

我的晚餐：

後記：

完成圖的蛋看來過熟，其實那些小泡是加蛋時造成。筆者下次會嘗試把豬肉和蛋加入碟後 settle 一會才蒸。

今次蛋是剛剛熟(很滑)，但筆者想可蒸久一點 (用眼決定)。